Beeline Түштүктɵ тармактын үзгүлтүктɵрүнɵ учураган абоненттерге интернет топтомун белек кылат
24-марттан 26-мартка чейин Кыргызстандын түштүгүнүн тургундары, тактап айтканда, Ош, Баткен жана Жалал-Абад облустарындагы Beeline абоненттери аба ырайынын катаал шарттарынан улам транспорт каналынын бузулушунан улам убактылуу байланыштын үзгүлтүктɵрүнɵ кабылышты. Аварияны жоюуга бригадалар жиберилген.
Учурда түштүк аймакта маалыматтарды берүүдөгү бардык кыйынчылыктар жоюлуп, байланыш жɵнгɵ салынды.
Аба ырайынын катаал шарттарына жана келтирилген зыяндын масштабына байланыштуу оңдоо-калыбына келтирүү иштери дээрлик эки күнгө созулду. Beeline байланыш линиясын мүмкүн болушунча тез арада калыбына келтирүү үчүн олуттуу кадамдарды жасады. Тактап айтканда, кырсыкты жоюу үчүн резервдик транспорттук канал уюштурулуп, бир тик учак жана бир нече ыкчам топ ишке кирген. Ыкчам, кесипкөй жана жакшы уюшкан иштин аркасында компания тармакты толугу менен калыбына келтирүүгө жетишти.
Beeline’га келтирген зыянга карабастан, авариядан келип чыккан ыңгайсыздыктын кесепеттерин жеңилдетүү максатында, биз бул көйгөйдөн жапа чеккен бардык абоненттерге кошумча интернет топтомун берүүнү чечтик.
Кошумча интернет топтомун кантип алуу боюнча кененирээк маалыматты Beeline абоненттерине SMS жөнөтүү аркылуу кабарлайт.
Биз менен болгонуңуз үчүн рахмат!
