Биз адамдарга баарлашуудан кубаныч алууга, убакытта жана мейкиндикте өзүн эркин сезүүгө жардамдашабыз.
Компания жөнүндө
1998-жылдын 1-августунда Кыргызстандын GSM түйүнүндө – 1997-жылы негизделген «Бител» ЖЧКсынын түйүнүндө алгачкы чалуу жасалган. Ал эми 2006-жылы Бител брендинин алдында түйүндүк байланыштын кызматтарын «Скай Мобайл» ЖЧКсы көрсөтө баштаган.
2001-жылы Бител бренди менен бир маалда компания рынокко MobiCard соода маркасын алып чыккан. Ал эми 2007-жыл MobiCard соода маркасынын ребрендинги жана Mobi брендинин ишке киргизилиши менен белгиленген.
2009-жылы компания кызмат көрсөтүүлөрдү бирдиктүү эл аралык Beeline трендинин алдында көрсөтө баштаган. 2010-жылдан тартып «Скай Мобайл» ЖЧКсы«VEON Ltd» компаниялар тобуна кирет.
Азыркы күндө «Скай Мобайл» ЖЧКсы (Beeline соода маркасы) GSM-900/1800, WCDMA/UMTS 2100 (3G) жана LTE 800 (4G) стандарттарында түйүндүк байланыш кызматтарын сунуштайт. Beeline өз абоненттерине пайдалуу жана ыңгайлуу продукттар менен кызмат көрсөтүүлөрдү, сапаттуу байланышты жана мыкты сервисти гана сунуштабастан, эң жаңычыл технологияларды дагы сунуштоодо. 2010-жылдын декабрь айында Beeline GSM-операторлордун ичинен алгачкылардан болуп Кыргызстанда 3G үчүнчүлүк муундун түйүнүн ишке киргизген, 2012-жылдын февраль айына карата аны өлкөнүн бардык жети областтарында тең жайылткан. 2016-жылдын майында компания Кыргызстандын бардык аймактарында төртүнчү муундагы тармакты ишке киргизди.
2017-жылдын 31-июлуна карата абалы боюнча Beeline абоненттеринин жалпы саны 3 млн. түзгөн.
Beeline түйүнү тарта турган зона эң кеңири зоналардын бири болуп эсептелет, анын аймагында өлкөнүн калкынын дээрлик 90% жашашат. Компания абоненттерди 6 тилде тейлей турган өлкөдөгү эң ири Маалыматтык-Сурап-билүүчү Борборго ээ. Күн сайын 70 миңден ашуун адам Beeline Кардарларга колдоо көрсөтүү борборунан керектүү жардамды алышууда. Түйүндө иштеп турган радиотехникалык жабдуу адамдын өмүрүнүн жана ден соолугунун коопсуздугу боюнча аракеттеги санитардык ченемдерге жана эрежелерге шайкеш келип турат, ошондой эле КРнын санитардык-эпидемиологиялык кызматтарынын бардык зарыл болуучу коркутундуларына ээ.
«VEON» компаниялар тобу өзүнө үн байланышынын кызматтарын зымсыз катталган байланыш технологияларынын кеңири спектринин негизинде маалыматтарды берүүнү, ошондой эле Россияда, Украинада, Казакстанда, Өзбекстанда, Тажикстанда, Арменияда, Грузияда, Кыргызстанда, Алжирде, Бангладеште, Пакистанда, жана Италияда интернетке кирүүнүн кеңири тилкелүү жеткиликтүүлүгүн сунуштай турган байланыш компанияларын камтып турат.
«VEON» бүткүл дүйнө жүзү боюнча жалпы калкы 739 миллионго жакын адамды түзгөн аймакта кызматтарын сунуштайт. «VEON Ltd» тобунун компаниялары «Билайн», «Киевстар», «djuice», «Wind», «Infostrada», «Mobilink», «Leo», «banglalink», «Telecel» жана «Djezzy» бренддеринин алдында кызматтарын сунушташат. 2017-жылга карата абалы боюнча компаниялар тобунун абоненттеринин жалпы саны 205,5 миллион адамды түзгөн. «VEON » акциялары NASDAQда VIP символунун алдында белгиленишет. Кененирээк маалымат алуу үчүн www.veon.com сайтына кайрылыңыз.
