Компаниянын тарыхы:
•    1997-жыл — «Бител» ЖЧКсы түзүлгөн.
•    1998-жылдын 1-августунда - 1997-жылы негизделген «Бител» ЖЧКнын тармагында, Кыргызстандын GSM тармагындагы биринчи чалуу аткарылган.
•    2001-жыл – кийинчерээк Mobi брендине айланган MobiCard соода маркасы ишке киргизилген.
•    2006-жыл – Бител брендинин астында көрсөтүлгөн мобилдик кызматтарды «Скай Мобайл» ЖЧК көрсөтө баштаган.
•    2009-жыл – компания, кызматтарын Beeline бирдиктүү эл аралык брендинин астында көрсөтө баштаган.
•    2010-жыл –«Скай Мобайл» ЖЧКсы VEON Ltd эл аралык телекоммуникациялык компанияларынын тобуна кирген. 
•    2024-жыл - VEON түзүмүн жөнөкөйлөтүү жана ири рынокторго топтолуу стратегиясын ишке ашыруу менен Beeline Кыргызстандагы өздүк үлүшүн сатуу ниетин жарыялады.
•    2025-жыл - "Скай Мобайл"ЖЧКнын 100% үлүшүн сатуу боюнча бүтүм аяктады. Сатып алуучу  - "Элдик Банк"ААКы.

Beeline жана «Элдик банктын» синергиясы

Beeline менен «Элдик Банктын» биригүүсү байланышты, каржыны жана технологияларды бириктирип, Кыргызстандын туруктуу жана инклюзивдүү өнүгүүсү үчүн улуттук санариптик экосистеманын пайдубалын түзөт. 

Байланыш технологиялары

Биз сапаттын жогорку стандарттарын карманабыз, алдыңкы технологияларды киргизебиз жана ар бир адам үчүн эң жакшы мүмкүнчүлүктөрдү түзөбүз.

Beeline Кыргызстан GSM-900/1800 жана WCDMA/UMTS 2100/900 (3G) жана LTE 800/1800/2100/2600 (4G) стандарттарында уюлдук байланыш кызматтарын көрсөтөт.
Beeline алдыңкы технологияларды жайылтып, сапаттын жогорку стандарттарын карманат жана өз абоненттери үчүн мыкты мүмкүнчүлүктөрдү камсыз кылууга умтулат. Компания бүткүл республика боюнча үзгүлтүксүз базалык станцияларды куруп жана модернизациялап, түйүндүн камтылышын кеңейтип, ишенимдүү байланышты жана мыкты интернет-байланышты камсыздап турат.

Технологиялык өнүгүүнүн негизги этаптары:
-     Beeline 2010-жылдын декабрында GSM-операторлордун ичинен биринчи болуп Кыргызстанда үчүнчү муундагы (3G) түйүндү ишке киргизип, 2012-жылдын февралына карата аны өлкөнүн бардык жети облусуна жайгаштырган.
-     2016-жылдын май айында Кыргызстандын бардык региондорунда төртүнчү муундагы (4G) мобилдик түйүнү ишке киргизилген.
-     Beeline 2018-жылы мобилдик интернеттин ылдамдыгын эки эсеге көбөйткөн LTE-advanced жаңы технологиясын киргизди. 
-     2024-жылдын март айында Beeline Кыргызстан эң ылдам 4G-интернет үчүн Ookla`нын (байланыш чөйрөсүндө дүйнөгө таанылган лидер) абройлуу сыйлыгына татыган.
-     2024-жылы 4G/LTE тармагы аркылуу дароо чалуу жана кынтыксыз таза үнү менен чалуу жана SMS жөнөтүүгө мүмкүндүк берген VoLTE жаңы технологиясы (Voice over LTE) ишке киргизилди.

Жоопкерчиликтүү мамиле

Биз кардарларыбыздын маалыматтарын коргоо үчүн бардык күчүбүздү жумшайбыз. Компания киберкоопсуздуктун эң катаал нормаларына жооп берет жана ISO/IEC 27001 эл аралык сертификатына ээ. Бул дүйнө жүзү боюнча таанылган стандарт, ал маалыматтарды киберкоркунучтардан ишенимдүү коргоону тастыктайт.
Биз Кыргыз Республикасынын мыйзамдарынын чегинде гана иштейбиз. Бардык радио берүүчү түзүлүштөр аккредитацияланган лабораторияларды тартуу менен электромагниттик талаалардын деңгээлин көзөмөлдөөдөн өтөт, бардык белгиленген нормаларга жана талаптарга жооп берет, дайыма санитардык-эпидемиологиялык көзөмөлдө турат жана Кыргыз Республикасынын тиешелүү мамлекеттик органдары тарабынан иштетүүгө уруксат берилген. Ошентип, Beeline жабдуулары адамдардын ден соолугу жана айлана-чөйрө үчүн коопсуз. 
Биз Туруктуу өнүгүү принциптерин (ESG (Environmental, Social, and Corporate Governance) сактайбыз, айлана-чөйрөгө кам көрүүгө, социалдык жоопкерчиликке жана натыйжалуу корпоративдик башкарууга өзгөчө көңүл бурабыз. Компания тынымсыз социалдык жана экологиялык долбоорлорду ишке ашырат, жаштар жана кесиптик өсүү программаларын колдойт, Кыргызстандын санариптик жана туруктуу өнүгүүсүнө салым кошот.

Байланыш маалыматтары: 
Дарек: Бишкек ш., Ибраимов к. 115