Beeline салт болуп калган «Унутпайбыз» кайрымдуулук акциясын баштайт.  Ал УАС ардагерлерине даректүү жардам берүү үчүн акча чогултууга багытталган. Ар бир  Beeline колдонуучусу ыктыярдуу негизде бул акцияга кошула алат. Акцияга катышуу жөнөкөй:  1945 кыска номуруна  «Унутпайбыз»  сөзү менен  SMS-билдирүү жөнөтүү керек, муну менен сиз ардагерлерге жардам иретинде өз эсебиңизден автоматтык түрдө 30 сом (бардык салыктар менен) которосуз.  Бардык чогулган каражаттар,  ошондой эле  Beeline бөлгөн кошумча каражат Улуу Ата Мекендик согуштун ардагерлерин колдоо фондуна топтолот. Андан кийин ардагерлердин шаардык жана республикалык кеңештеринин тизмелерине ылайык ардагерлерге даректүү тапшырылат.  Акция 9-майга чейин уланат. «Унутпайбыз»  акциясы, ага катышуу  жөнүндө  толук маалыматты 1945 кыска номуруна чалып (чалуу акысыз) билүүгө болот.