Beeline Кыргызстан уюлдук оператору, Enactus Кыргызстан коомдук бирикмеси жана «Билимдүү» коомдук фонду «Кесиптик багыт берүү» долбоорун түзүштү. Бул Beeline компаниясынын атайын иштелип чыккан платформасынын жардамы менен кесипти аң-сезимдүү тандоого жардам берген демилге. Бул жерден келечектүү кесиптер менен бекер таанышып, онлайн-курстардан өтүп, тесттин суроолоруна жооп ала аласыз. Материалдар орус жана кыргыз тилдеринде жеткиликтүү.

Бардык материалдар ыңгайлуу платформада beeprof.beeline.kg шилтемеси боюнча берилген. Платформада он беш багыт боюнча видеоконтент сунушталган:
•    Креативдүү индустрия (киберспортчу, фотограф);
•    Дизайн (дизайнер-иллюстратор, кийим дизайнери, графикалык дизайнер);
•    IT тармагы (Data Science адиси, Android-иштеп чыгуучу);
•    Ишкерлик; 
•    Архитектура;
•    Менеджмент;
•    Режиссура;
•    PR жана маркетинг (маркетолог, PR-менеджер);
•    Тигүү тармагы;
•    Медицина;
•    Юриспруденция (юрист, адвокат);
•    Кулинария;
•    Финансы (финансист, аудитор);
•    Психология;
•    Педагогика.

Биринчи төрт курс ар бир адамга, анын ичинде катталбаган колдонуучуларга жеткиликтүү. Окууну улантуу үчүн сиз Beeline номери боюнча авторизациядан өтүшүңүз керек. Андан кийин, сиз бардык онлайн-курстарга жеткилик ала аласыз. Ошондой эле тесттен өтүп, долбоордун финалисттеринин катарына катышуу үчүн мотивация кат жазсаңыз болот. Жеңүүчүлөр Кыргызстандагы эң мыкты компанияларга тааныштыруу экскурсияларына чакырылат.