Beeline'дын 4G интернети – Кыргызстан боюнча эң ылдам

Beeline Кыргызстан, абоненттердин өсүп жаткан муктаждыктарына көңүл буруу менен, өз тармагынын сапатын тынымсыз жакшыртып келүүдө. Аткарылып жаткан иштин эффективдүүлүгү, байланыш тармагында дүйнөлүк лидер болгон Ookla® компаниясынын Speedtest® тиркемеси аркылуу колдонуучулардан алынган маалыматтарды изилдөө жыйынтыктары менен тастыкталат. Тестирлөөнүн жыйынтыгы Beeline’дын өлкөдөгү эң ылдам 4G интернетин сунуштаганын көрсөтөт.

Мобилдик интернеттин ылдамдыгын абоненттер өздөрү Speedtest® тиркемеси аркылуу өлчөшөт, ал эми Ookla® алынган маалыматтарды талдап чыгат. 2023-жылдын 3-чейрегинде Beeline’дын 4G интернети ылдамдык боюнча Бишкек шаарынын жана Чүй областынын лидери болгон болсо, 4 чейректин жалпы жыйынтыгы боюнча Beeline бүткүл өлкөдө эң ылдам 4G интернетке ээ оператор катары аныкталды. Ошол эле учурда, 4G интернетинин ылдамдыгы 2022-жылдын 4-чейрегинде 19,34 Мбит/с түзсө, 2023-жылдын 4-чейрегинде 29,89 Мбит/с түзгөн.*

Бул жетишкендик – Beeline тармагынын үзгүлтүксүз өнүгүүсүнүн натыйжасы. Мобилдик оператор, Кыргызстандын бардык аймактарында камтуу аянтын кеңейтүү жана базалык станциялардын эффективдүүлүгүн жогорулатуу жолу менен, калкка көрсөтүлгөн кызматтардын сапатын мыктылаштырууга умтулуп келет.

Ookla® компаниясы интернеттин ылдамдыгын тестирлөө жана талдоо боюнча дүйнөлүк лидер болуп саналат. Анын негизги максаты – интернетти сапаттуураак, тезирээк жана жеткиликтүүрөөк кылуу. Ошол себептен компания дүйнөгө белгилүү болгон Speedtest® жана Downdetector® платформаларын, ошондой эле бир катар комплекстүү корпоративдик чечимдерди иштеп чыккан. Ookla®'нын маалыматтары жана куралдары, тармактарды кардарлардын тажрыйбасынын негизинде талдоо жана оптималдаштыруу үчүн зарыл болгон маанилүү маалыматтар менен операторлорду жана башка ишканаларды камсыз кылат.

*2022-жылдын 3-чейрегинде жана 2023-жылдын 4-чейрегинде Кыргызстандагы медиандык жүктөө ылдамдыгы жөнүндө Speedtest Intelligence®'тин маалыматтарынын Ookla® тарабынан аткарылган талдоосунун негизинде. Ookla® соода белгилери уруксаттама боюнча колдонулат, жана кайра басып чыгаруу үчүн уруксатты талап кылат.

https://beeline.kg/ru/aidana